ក្រោយរួមភេទ សញ្ញាអ្វីខ្លះដែលអាចបញ្ជាក់ថាស្ត្រីមានផ្ទៃពោះ?
មនុស្សភាគច្រើនដឹងថា ស្ត្រីមានអាការៈបាត់រដូវ ដែលនេះបញ្ជាក់ថាវាជាសញ្ញាណដំបូងនៃការមានផ្ទៃពោះហើយ។ ប៉ុន្តែអ្វីដែល កញ្ញា ចង់លើកយកបង្ហាញថ្ងៃនេះបន្ថែមគឺ វានៅមានសញ្ញាជាច្រើនផ្សេងទៀតជាពិសេសបន្ទាប់ពីការរួមភេទរួច។
១. មានចេញឈាម៖ ក្នុងអំឡុងពេល ១ ទៅ ២ អាទិត្យក្រោយពីការរួមភេទ ស្ត្រីមានចេញឈាមតិចៗ តែនេះមិនដូចជាឈាមរដូវទេ។ ឈាមតិចៗបែបនេះ គឺកើតឡើងដោយសារស៊ុតបង្កកំណើតចាប់ផ្តើមលូតលាស់ ហើយទុំខ្លួនជាប់ទៅនឹងដៃស្បួន។
២. អាការៈឈឺសុដន់៖ វាកើតឡើងដោយសារក្រពេញទឹកដោះចាប់ផ្តើមមានដំណើរការផលិតទឹកដោះ ដូច្នេះធ្វើឲ្យអ្នកមានអារម្មណ៍ថាឈឺតិចៗ។ ម្យ៉ាងទៀតនៅជុំវិញក្បាលសុដន់ មានលេចចេញនូវកន្ទួលអុចៗច្រើន។
៣. ឆាប់ប្រតិកម្មជាមួយក្លិន៖ ចាប់ពី ២ សប្តាហ៍ឡើងទៅក្រោយការរួមភេទ ស្ត្រីចាប់ផ្តើមមានអាការៈចាញ់ក្លិន ពោលគឺចេះតែមានអារម្មណ៍ថាធុំក្លិនអាក្រក់គ្រប់ពេល។
រូបតំណាង
៤. បាត់រដូវ៖ ស្ត្រីមានអាការៈបាត់រដូវប្រហែល ៤ សប្តាហ៍គិតចាប់ពីពេលរួមភេទ។
៥. អស់កម្លាំង៖ ស្ត្រីមានអារម្មណ៍អស់កម្លាំង ឈឺក្បាល វិលមុខ និងឈឺខ្នង៕
No comments