ប្រើក្រូចឆ្មារសម្បកលឿងតែមួយផ្លែ ក៏អាចថែរក្សាផ្ទៃមុខឱ្យបានស្អាតដែរតើ!

ចង់បានផ្ទៃមុខស រលោង ស្រស់ថ្លា បន្ថែមភាពជឿជាក់ លើរូបសម្រស់មិនមែនជារឿងងាយស្រួលឡើយ។ បច្ចុប្បន្នមានគ្រឿងសម្អាងជាច្រើន បានហូរចូលមកក្នុងប្រទេសរបស់យើង ទាំងផលិតផលមួយចំនួន គ្មានប្រភពច្បាស់លាស់គួរឲ្យទុកចិត្តបាន។ ព្រោះថាផលិតផលខ្លះ អាចមានផ្ទុកនូវសារធាតុគីមី ដែលយើងមើលមិនឃើញ បណ្តាលឲ្យប៉ះពាល់ដល់ផ្នែកសម្ផស្សនៅពេលប្រើ។ 

ដូច្នេះហើយបានជាពេលបច្ចុប្បន្ននេះ មានមនុស្សមិនតិចទេ បានងាកមកប្រើរូបមន្តតាមបែបធម្មជាតិវិញម្តង ដែលអាចធ្វើឱ្យមុខស្អាតហើយ ចំណាយលុយតិចទៀត។

កន្លងមកមានរូបមន្តជាច្រើន ដែលអ្នកបានជ្រាបខ្លះៗរួចមកហើយ ក្នុងការប្រើប្រាស់ជាម៉ាស់ និងជារូបមន្តគ្រឿងផ្សំស៊ាំញ៉ាំជាច្រើន យ៉ាងហោចណាស់ក៏ ២ ទៅ៣មុខឡើងដែរ។ តែពេលនេះមិនបាច់ទៅណាឆ្ងាយទៀតទេ មានតែក្រូចឆ្មារសម្បកលឿងមួយផ្លែ ក៏អាចធ្វើឱ្យផ្ទៃមុខបានស្អាតដែរ ដោយក្រូចឆ្មារសម្បកលឿងអាចរកទិញបានដោយងាយនៅផ្សារទំនើប។

នៅចាំអីទៀត! មកតាមដានវិធីធ្វើខាងក្រោមទាំងអស់គ្នា៖

ពេលនេះមិនបាច់ទៅណាឆ្ងាយទៀតទេ មានតែក្រូចឆ្មារសម្បកលឿងមួយផ្លែ ក៏អាចធ្វើឱ្យផ្ទៃមុខបានស្អាតដែរ

ពេលនេះមិនបាច់ទៅណាឆ្ងាយទៀតទេ មានតែក្រូចឆ្មារសម្បកលឿងមួយផ្លែ ក៏អាចធ្វើឱ្យផ្ទៃមុខបានស្អាតដែរ

# ដុសផ្ទៃមុខរបស់អ្នក ដោយប្រើក្រូចឆ្មារសម្បកលឿង

គ្រាន់តែយកក្រូចឆ្មារសម្បកលឿង (ក្រូចឆ្មារសម្បកលឿងអាចរកទិញបាននៅផ្សារទំនើប) ចិតជាបន្ទះស្តើងល្មម ហើយយកមកត្រដុសថ្នមៗលើស្បែកមុខ ប្រមាណជា ៣ ទៅ ៤នាទី សឹមលាងចេញជាមួយទឹកក្តៅឧណ្ហៗជាការស្រេច។  

ផ្ទៃមុខរបស់អ្នកនឹងអស់ជាតិក្អែល ​ជាតិខ្លាញ់ ​ធូលីដី ហើយ​បន្សល់ទុកតែភាពស្រស់ស្អាត ​ស្រស់ថ្លា  ក្មេងខ្ចីជាមិនខាន។ 

គ្រាន់តែយកក្រូចឆ្មារសម្បកលឿងចិតជាបន្ទះស្តើងល្មម

គ្រាន់តែយកក្រូចឆ្មារសម្បកលឿងចិតជាបន្ទះស្តើងល្មម ហើយយកមកត្រដុសថ្នមៗលើស្បែកមុខប្រមាណជា ៣ ទៅ ៤នាទី សឹមលាងចេញជាមួយទឹកក្តៅឧណ្ហៗជាការស្រេច

# សម្អាតផ្ទៃមុខ ដោយប្រើទឹកក្រូចឆ្មារសម្បកលឿងស្រស់ៗ

ជាដំបូង គ្រាន់តែយកក្រូចឆ្មារសម្បកលឿងមកពុះ ឬចិតច្របាច់យកទឹកស្រស់ៗ ។ បន្ទាប់មក យកដុំសម្លីមកផ្តិតជ្រលក់ទឹកក្រូចឆ្មារសម្បកលឿង ឱ្យរាងជោគបន្តិច ហើយយកមកលាបឱ្យសព្វផ្ទៃមុខ ទុកចោលរហូតដល់ស្ងួត សឹមលាងចេញជាមួយនឹងទឹកធម្មតា។

អ្នកអាចអនុវត្តវិធីបែបនេះ ឱ្យបានទៀងទាត់ ២ ទៅ ៣ដងក្នុងមួយសប្តាហ៍ នោះស្បែកមុខរបស់អ្នកប្រាកដជា ស ស្រស់ថ្លា រលោង ទន់ដូចស្បែកកូនក្មេងជាមិនខាន។   

យកក្រូចឆ្មារសម្បកលឿងមកពុះ ឬចិតច្របាច់យកទឹកស្រស់ៗ

បន្ទាប់មក យកដុំសម្លីមកផ្តិតជ្រលក់ទឹកក្រូចឆ្មារសម្បកឡើងរាងជោគបន្តិច ហើយយកមកលាបឱ្យសព្វផ្ទៃមុខ ទុកចោលរហូតដល់ស្ងួត សឹមលាងចេញជាមួយនឹងទឹកធម្មតា

# ម៉ាស់មុខដោយប្រើក្រូចឆ្មារសម្បកលឿង និងស៊ុត

វិធីបែបនេះទោះជាលើសគ្រឿងផ្សំតែមួយមុខ ក៏មិនមែនជាបញ្ហាដែរមែនទេ? ព្រោះផ្ទះណាក៏ភាគច្រើនមានស៊ុត ទុកនៅក្នុងទូទឹកកកដែរ ដូច្នេះនៅចាំអីទៀត ទាញយកមកអនុវត្តភ្លាមទៅ។

ជាដំបូង គោះស៊ុតមួយគ្រាប់ត្រងយកតែផ្នែកស ហើយលាយជាមួយនឹងទឹកក្រូចឆ្មារសម្បកលឿង ២ស្លាបព្រាបាយ។ បន្ទាប់មកកូរ ឬវាយវាឱ្យសព្វជាល្បាយមួយ រួចចែកទឹកល្បាយម៉ាស់នេះជា ៣ចំណែកស្មើគ្នា។

វិធីបែបនេះទោះជាលើសគ្រឿងតែមួយមុខក៏មិនមែនជាបញ្ហាដែរមែនទេ? ផ្ទះណាក៏ភាគច្រើនមានស៊ុតទុកនៅក្នុងទូទឹកកកដែរ ដូច្នេះនៅចាំអីទៀត ទាញយកមកអនុវត្តភ្លាមទៅ

ជាដំបូង គោះស៊ុតមួយគ្រាប់ត្រងយកតែផ្នែកស ហើយលាយជាមួយនឹងទឹកក្រូចឆ្មារសម្បកលឿង ២ស្លាបព្រាបាយ។ បន្ទាប់មកកូរ ឬវាយវាឱ្យសព្វជាល្បាយមួយ រួចចែកទឹកល្បាលម៉ាស់នេះជា ៣ចំណែកស្មើគ្នា

- ជំហានទី១៖ យកល្បាយចំណែកទី១ លាបឱ្យសព្វផ្ទៃមុខ ហើយទុកចោលរហូតដល់ស្ងួត

- ជំហានទី២៖ បន្ទាប់ពីមុខស្ងួត យកទឹកល្បាយម៉ាស់ពីស៊ុតនេះ មួយចំណែកទៀតមកលាបពីលើ ​(មិនបាច់លាងចេញទេ  លាបត្រួតលើគ្នាតែម្តង)

- ជំហានទី៣៖ បន្ទាប់ពីម៉ាស់ស្រទាប់ទី២ស្ងួតហើយ យកចំណែកល្បាយទី៣ចុងក្រោយដែលនៅសល់មកលាប ពីលើផ្ទៃមុខបន្ថែម ទុកឱ្យស្ងួត សឹមលាងចេញជាមួយទឹកក្តៅឧណ្ហៗ រួចជូតនឹងក្រណាត់ស្អាតជាការស្រេច។

បន្ទាប់ពីម៉ាស់ស្រទាប់ទី២ស្ងួតហើយ យកចំណែកល្បាយទី៣ចុងក្រោយដែលនៅសល់មកលាបពីលើផ្ទៃមុខបន្ថែម ទុកឱ្យស្ងួត សឹមលាងចេញជាមួយទឹកក្តៅឧណ្ហៗ រួចជូតនឹងក្រណាត់ស្អាតជាការស្រេច

វិធីបែបនេះមិនត្រឹមតែធ្វើឱ្យផ្ទៃមុខរបស់អ្នក តឹងណែន ទន់ ភ្លឺរលោងស្រស់ស្អាតទេ តែថែមទាំងអាចកម្ចាត់បញ្ហាមុខមុន បានយ៉ាងមានប្រសិទ្ធភាពផងដែរ។

វិធីបែបនេះមិនត្រឹមតែធ្វើឱ្យផ្ទៃមុខរបស់អ្នកតឹងណែន ទន់ ភ្លឺរលោងស្រស់ស្អាតទេ តែថែមទាំងអាចកម្ចាត់បញ្ហាមុខមុនបានយ៉ាងមានប្រសិទ្ធភាពផងដែរ

ចំណាំ៖  ក្រូចឆ្មារសម្បកលឿងអាចរកទិញបាននៅផ្សារទំនើប ប៉ុន្តែប្រសិនជាអ្នកមិនអាចរកក្រូចឆ្មារសម្បកលឿងបានទេ អ្នកក៏អាចយកក្រូចឆ្មារយើងធម្មតាមកប្រើការក៏បាន គ្រាន់តែក្រូចឆ្មារសម្បកលឿងមានប្រសិទ្ធភាពខ្លាំងជាងបន្តិចប៉ុណ្ណោះ។ 

ម្យ៉ាងវិញទៀត ប្រសិនជាមុខរបស់អ្នកមានប្រតិកម្ម ជាមួយក្រូចឆ្មារ អ្នកមិនគួរអនុវត្តវិធីទាំងអស់នោះទេ។ ដើម្បីឱ្យចង់ដឹងច្បាស់ អ្នកអាចសាកប្រើជាមួយ ស្បែក-ក និងស្បែកដៃរបស់អ្នកជាមុនសិនក៏បាន បើគ្មានបញ្ហានោះទេ សូមរីករាយជាមួយនឹងរូបមន្តមុខស្អាតខាងលើនេះទាំងអស់គ្នា៕